Ծրագրի մասնակիցները անձնական Canvas֊ներ մշակեցին Լիբերալ քաղաքականության ինստիտուտի նախագահ, ՀՀ փաստաբանների պալատի անդամ, Տաթևիկ Մատինյանի հետ, որոնց մեջ ամփոփեցին.

  • իրենց մասնագիտական ճանապարհին և անձնային առաջընթացին դիմագրավող մարտահրավերները,

  • մտահոգող խնդիրները, ինչպես նաև այն դրական հանգամանքներն ու մոտիվները, որոնք ուղղորդում են դեպի նպատակ և նախընտրելի սոցիալական դեր։

Ծրագրի շրջանակներում բանախոսություններով հանդես եկան՝

  • ՀՀ հատուկ հանձնարարություններով դեսպան, Լուսավոր Հայաստան կուսակցության ղեկավար Էդմոն Մարուքյանը, բանախոսության թեմա՝ «Կանանց դերը քաղաքական կյանքում»,

  • PR մասնագետ, ԵՊՀ Սոցիալան աշխատանքի և սոցիոլական տեխնոլոգիաների ամբիոնի դոցենտ, սոց.գիտ.թեկնածու Նվարդ Մելքոնյանը, բանախոսության թեմա՝ «Կին քաղաքական գործչի իմիջ»,

  • Ձեռնարկատեր, ՏՏ ոլորտի ներկայացուցիչ Էդգար Մարուքյանը, բանախոսության թեմա՝ «Քննադատական մտածողության և ճանաչողական կողմնակալության»,

  • Նիդերլանդական VVD International կուսակցության ներկայացուցիչ, Առնհեմի եւ Հաագայի նախկին քաղաքապետ, Ամստերդամի քաղաքային խորհրդի ավագ անդամ, 2015-2017թթ. Նիդերլանդների Թագավորության Սենատի պատգամավոր Պաուլին Քրիքը, ով որպես հաջողակ կին քաղաքական առաջնորդ կիսվեց իր անցած ճանապարհով և փորձառությամբ,

  • Էթիկայի դպրոցի համահիմնադիր Արմեն Ղուկասյանը, բանախոսության թեմա՝ «Հանրային խոսքի հմտություններ»։

  • Կանանց հզորացման ակադեմիայի մասնակիցներն ունեցան հագեցած պանելային քննարկում։ Քննարկմանը հյուրընկալել էինք ԱԺ 7֊րդ գումարման պատգամավոր, «Լուսավոր Հայաստան» կուսակցության կառավարման խորհրդի անդամ Անի Սամսոնյանին և Երևանի ավագանու «Իմ քայլը» խմբակցության անդամ, ֆինանսաբյուջետային հանձնաժողովի նախագահ Լուսինե Գևորգյանին։

Այնուհետև մասանկիցները բաժանվեցին 4 խմբի։ Յուրաքանչյուր խումբ պատրաստեց Երևանի ավագանու ընտրությունների քարոզարշավի ծրագիր և ներկայացրեց այն։ Ներկայացումներից հետո բանախոսները վեր հանեցին ելույթների ուժեղ և թույլ կողմերը։

Կանանց հզորացման ակադեմիայի հատուկ հյուրն էր ՀՀ-ում Նիդերլանդների թագավորության դեսպան Նիկո Սխերմերսը։ Դասընթացի ավարտին մասնակիցներին հավաստագրեր հանձնեց Պաուլին Քրիքը։