Միջոցառումներ
Քննադատական մտածողություն
ԼՔԴ13-րդ դպրոցի առաջին 4 դասը Քննադատական մտածողությունն էր։
Բանախոս՝ Էդգար Մարուքյան։
Այսօր, երբ տեղեկատվությունը մեզ հասնում է վայրկյանների ընթացքում, ամենամեծ մարտահրավերը ոչ թե այն է, թե ինչքան գիտենք, այլ՝ ինչպես ենք մտածում: Քննադատական մտածողությունը այն հմտությունն է, որը մեզ օգնում է տարբերել փաստն ու կարծիքը, փաստարկն ու մանիպուլյացիան, ճշմարտությունը և դրա պատրանքը։
Քննադատական մտածողությունը պահանջում է, որ մարդը կարողանա կասկածի տակ դնել անգամ սեփական համոզմունքները։
Երբ մարդուն ունի «գենետիկ անհանդուրժողականություն» գաղափարների նկատմամբ, դա նշանակում է, նա ներքին հակվածություն ունի մերժելու կամ չընդունելու որոշակի մտքեր, կարծիքներ կամ փաստեր, լոկ այն բանի համար, որ դրանք հակասում են իր սովորածին, ավանդույթին…
Այսինքն՝ կարծես մարդը «գենետիկորեն» (բնույթով, խորքային հոգեբանական մակարդակում) չի հանդուրժում տարբեր տեսակի կարծիքներ կամ քննադատություն։
Քննադատական մտածողության վորջին՝ 4-րդ դասը դարձավ իսկական փորձարկում սովորածը կիրառելու համար։
Դասի սկզբում մեր սաները նորից լրացրին այն նույն թեստը, որը արել էին առաջին օրը՝ փորձելով տարբերել փաստն ու կարծիքը։
Արդյունքը՝ հետաքրքիր բացահայտումներ։
Շատերը նկատեցին, որ իրենց նախկին պատասխանները փոխվել են՝ ոչ թե պատահաբար, այլ որովհետև հիմա արդեն գիտեն ինչպես մտածել քննադատաբար։
Գործնական հատվածի երկրորդ հանձնարարությունը հայտնի լրատվականներից նյութեր էին, որոնցում ուսանողները գտան թույլ տրված տրամաբանական սխալներն ու հիմնավորեցին թե ի՞նչու է սխալ։
Իսկ վերջում՝ սովորեցին երկար տեքստերը հակիրճ ներկայացնել՝ առանց կորցնելու հիմնական միտքը։
Մտածողության այս կամ այն ձևը ոչ միայն զարգանում է, այլև՝ ձևավորվում է որպես սովորություն։
Այսօրվա դասը դրա լավագույն ապացույցն էր։Երբ մտածողությունը դառնում է սովորություն, հասարակությունն էլ դառնում է ավելի գիտակից, և կրթությունը՝ ավելի կենդանի։
Քննադատական միտքը ոչ թե կասկածի, այլ՝ ճշմարտության որոնման ճանապարհ է։
Flora Vardanyan
0
Tags :