Գործունեություն
«Կանանց ակադեմիա․ վերապատրաստում դասընթացավարների համար» օր 1-ին

«Կանանց ակադեմիա․ վերապատրաստում դասընթացավարների համար» օր 1-ին

«Կանանց ակադեմիա․ վերապատրաստում դասընթացավարների համար» ծրագրի շրջանակում հյուրընկալել էինք հոգեբանական գիտությունների թեկնածու, դոցենտ Մարիամ Մեհրաբյանին։
«Ինքնաճանաչում. իմ ինքնությունն ու իմ ուղին» թեմայով բանախոսությունը դարձավ յուրօրինակ ճանապարհորդություն դեպի մասնակիցների ներաշխարհ։
Հատուկ վարժության ընթացքում յուրաքանչյուր մասնակից կանգնեց «երևակայական հայելու» առջև՝ առերեսվելով սեփական վախերին, բացահայտելով ներքին ուժն ու իրական «Ես»-ը։
Հանդիպումը լի էր խորը հույզերով, ներքին պայքարի ու հաղթահարման պահերով։ Սա պարզապես դասընթաց չէր, այլ անձնային աճի, ինքնավստահության վերագտնման և դրական փոխակերպման կարևոր քայլ։

 Իսկ ձեզ համար հե՞շտ է առերեսվել սեփական վախերին և գտնել իրական «Ես»-ը։

Առաջին օրվա երկրորդ բանախոսը Էթիկայի դպրոցի համահիմնադիր, հանրային խոսքի մասնագետ Արմեն Ղուկասյանինն էր։

«Հանրային խոսքի հմտություններ» թեմայով բանախոսությունը նվիրված էր ազդեցիկ, համոզիչ և անմոռանալի ելույթ ունենալու արվեստին։
 Դասընթացի ընթացքում մասնակիցները բացահայտեցին հանրային ելույթի կարևոր նրբությունները․
Աչքի կապ ու մարմնի լեզու․ 2-3 վայրկյան տևողությամբ աչքի կապի պահպանումից մինչև ժեստերի անխոս ազդեցություն, որոնք հաճախ բացահայտում են մեր հույզերն ու ներքին անվստահությունը։
Ձայնի և տոնայնության կառավարում․ ինչպես ճիշտ տիրապետել ձայնին, գրավել լսարանի ուշադրությունը, որպեսզի խոսքն իրապես հասնի ունկնդրին։
Գործնական վարժություն․ մասնակիցները գործնականում տեսան, թե որքան տարբեր կարող է լինել նույն խոսքի ընկալումը յուրաքանչյուր մարդու կողմից։
 Երբ խոսում ես գիտակցված՝ դու ոչ թե պարզապես բառեր ես արտասանում, այլ կերտում ես անջնջելի տպավորություն։

 Ի՞նչն է ձեզ համար ամենամեծ մարտահրավերը հանրային ելույթների ընթացքում։