Անդրադարձ «Կանանց հզորացման 5-րդ ակադեմիայի» բանախոսություներին: Հավաստագրերի հանձնում

Գործունեություն

2 Մարտի, 2025

Անդրադարձ «Կանանց հզորացման 5-րդ ակադեմիայի» բանախոսություներին: Հավաստագրերի հանձնում

Անձի բրենդը ձևավորվում է դեռ վաղ տարիքից: Ինչպե՞ս կարող ենք գրագետ ձևով ստեղծել և զարգացնել մեր բրենդը, ի՞նչ է ռեբրենդինգը և ինչպես այն իրականացնել:

Այս հարցերին անդրադարձել է «Կանանց հզորացման 5-րդ ակադեմիայի» երկրորդ օրվա բանախոս, Global Media Lab Marketing Agency-ի և Personal Branding Buro-ի հիմնադիր, բրենդինգի փորձագետ Սեդա Վարդանյանը:

«Ինչպես զարգացնել անձի բրենդը սոց. ցանցերում 2025թ.-ին» թեմայով՝ մասնակիցներին ներկայացվել է անձի բրենդի կարևորությունը՝ սոցիալական կապերի ամրապնդման, նոր հնարավորություններ փնտրելու, սեփական նախագծերը մոնետիզացնելու և սեփական ազդեցությունը ընդլայնելու տեսանկյունից:

Բանախոսության ընթացքում մասնակիցները կատարել են վարժանքներ՝ նպատակ ունենալով բացահայտել իրենց ուժեղ և թույլ կողմերը:

Դասընթացավարն էլ բացահայտել է ինքնաներկայացման գաղտնիքները և կիսվել անձի բրենդի կառուցման մենյուով:

Ժամանակակից աշխարհում, երբ անձի բրենդինգը ստանում է ավելի մեծ կարևորություն, շատ օգտակար է հասկանալ, թե ինչպիսին եք դուք՝ որպես անհատ:

Բանախոս՝ ԼՔԻ նախագահ Տաթևիկ Մատիյան:

Personal Canva-ն այն գործիքն է, որը թույլ է տալիս հստակ պատկերացում կազմել այն մասին, թե ինչպիսին ես դուք:

Personal Canva-ն այն գործիքն է, որի միջոցով կարող եք տեսնել ձեր մասնագիտական և անձնական բրենդի բոլոր ասպեկտները՝ ուժեղ և թույլ կողմեր, հնարավորություններ ու սպառնալիքներ:

Սա ձեր ճանապարհորդության քարտեզն է, որը կօգնի հասկանալ, թե որտեղ եք գտնվում և ինչ ուղղությամբ եք ուզում գնալ։

Խմբային աշխատանքը հնարավորություն տվեց նոր հայացքներ և գաղափարներ փոխանակել՝ համատեղ աշխատելով և ուսումնասիրելով անձնական դաշտի ստեղծման գաղտնիքները: Այս գործընթացը օգնեց յուրաքանչյուրին բացահայտել իրենց ուժեղ և թույլ կողմերը։

Կանայք միշտ եղել են հասարակության շարժիչ ուժը՝ կարևոր դեր խաղալով կրթության, մշակույթի, գիտության, բիզնեսի և քաղաքականության ոլորտներում։

«Կանանց հզորացման 5-րդ ակադեմիայի» 2-րդ օրը եզրափակիչ բանախոսությամբ հանդես եկավ քաղաքական և հանրային գործիչ, փաստաբան, «Լուսավոր Հայաստան» կուսակցության նախագահ Էդմոն Մարուքյանը։

Դասընթացի սկզբում պարոն Մարուքյանը ներկայացրեց հասարակական կյանքում կանանց իրավունքների էվոլյուցիան՝ մանրամասնելով կանանց քաղաքական ակտիվությանը նպաստող օրենսդրական կարգավորումները։

Բանախոսությունը ինտերակտիվ էր. մասնակիցները հնարավորություն ունեցան ուղիղ երկխոսության միջոցով բանախոսին հղել իրենց հուզող հարցերը:

Իմիջը մարդու այցեքարտն է և շրջապատի ընկալման ձևն է, որը ձևավորվում է նրա արտաքինը, վարքագիծը և հաղորդակցման ոճը համադրելով։

Այն կարող է ազդել ինչպես անձնական, այնպես էլ մասնագիտական հաջողությունների վրա՝ նպաստելով վստահության ստեղծմանը կամ հակառակը։

«Կանանց հզորացման 5-րդ ակադեմիայի» երրորդ օրվա առաջին բանախոսը սոցիալական գիտությունների թեկնածու, ԵՊՀ սոցիալական աշխատանքի և սոցիալական տեխնոլոգիաների ամբիոնի դոցենտ, «Հասարակայնության հետ կապեր» մագիստրոսական և բակալավրի ծրագրերի ղեկավար, «SPRING PR» ընկերության համահիմնադիր և ղեկավար Նվարդ Մելքոնյանն էր, ով հանդես եկավ «Հանրային կերպարի ձևավորում» թեմայով բանախոսությամբ։

Դասընթացի ընթացքում բանախոսը ներկայացրեց անձնային բրենդի ձևավորման հիմնական գործառույթները, իմիջի հասկացությունն ու տեսակները, դրա կառուցվածքն ու ձևավորման հիմնական ուղիները։

Մասնակիցները նաև ուսումնասիրեցին չորս գունատիպերը, կանանց գործարար ոճի առանձնահա

Մարդկային փոխհարաբերությունների հմայքը ձևավորվում է ոչ միայն խոսքերով, այլև վարքագծով։ Էթիկան ցույց է տալիս բարու և ճշմարտության ճանապարհը, իսկ էթիկետը՝ հարգանքի և նրբագեղ վարվելակերպի արվեստը։

Մեր հաջորդ պատվավոր բանախոսը «Էթիկայի դպրոցի» (Ethics School) հիմնադիր Գևորգ Մկրտչյանն էր, ով ներկայացրեց «Գործարար էթիկա և կանացի ազդեցիկություն. նրբագեղությունը՝ որպես ուժ» թեման։

Դասախոսության ընթացքում նա անդրադարձավ կանացի ազդեցությանը, գործարար էթիկայի հինգ սկզբունքներին և էթիկական երկընտրանքներին։

Կոնֆուցիոսից, Բուդդայից և հին հույն մտածողներից մինչև Դեյլ Քարնեգիի ուսմունքները՝ քննարկման ընթացքում մասնակիցները փորձեցին հասկանալ կառավարման էթիկայի հիմքերը, կանացի ազդեցության դերը բիզնեսում և հասարակական կյանքում, ինչպես նաև էթիկական մտածողության գործնական կիրառումը։

Տարբերակված մոտեցումներով և ինտերակտիվ քննարկումներով դասընթացը հնարավորություն տվեց բացահայտելու, թե ինչպես է նրբագեղությունն ուժի վերածվում։

Իսկ գիտե՞ք, որ դեռ անցած դարի կեսերից, գոյություն ունի «Հռետորաբանության դասագիրք. խոսքի մարզում՝ վարժանքների միջոցով»։ Հեղինակը Հայնց Լեմմերմանն է։

Կանանց հզորացման ակադեմիայի վերջին օրվա վերջին բանախոսը Արմեն Ղուկասյանն էր:

Թեման՝ «Հանրային Խոսք»: Պարոն Ղուկասյանը Էթիկայի դպրոցի համահիմնադիրն է, հանրային խոսքի մասնագետ։

Նա բանախոսության ընթացքում ներկայացրեց հանրային խոսքը, հաղորդակցության դերն ու նշանակությունը անձնական և մասնագիտական նպատակների իրականացման համար:

Ինչպես դարձնել խոսքը առավել գրավիչ և ազդեցիկ՝ օգտագործելով ձայնը, տոնայնությունը և մարմնի լեզուն, կենտրոնացնել ուշադրությունը առանցքային հարցերի և խոսքը ընկալելի դարձնելու վրա՝ գրավելով լսարանի ուշադրությունը։

Մասնակցները վարժանքի միջոցով պարզեցինք թե ի՞նչն է առաջինը գրավում անհատի ուշադրությունը, ի՞նչ ընկալման ուղիներ կան հանրային խոսքում։

Այսպիսով՝ երեք օր շարունակ «Կանանց հզորացման ակադեմիայում» 25 կին ուսանեցին, շփվեցին, հարցեր բարձրացրեցին, պատասխաններ ստացեն, նոր մտքերով վերադարձան՝ վստահաբար աշխարհը մի փոքր ավելի լավը դարձնելու գործում իրենց ներդրումն ունենալու տրամադրվածությամբ։

Շնորհակալություն ենք հայտնում բոլոր բանախոսներին ու մասնակիցներին այնքան ստացված համագործակցության համար։
Մասնակիցներին իրենց հավաստագրերը հանձնեց «Լիբերալ քաղաքականության ինստիտուտի» ծրագրերի համակարգով Շուշանիկ Ավագյանը։

֊֊֊֊֊֊֊֊֊֊֊

Դասընթացի իրականացմանն աջակցում է Embassy of the Netherlands in Armeniaն։

Flora Vardanyan