Նա ներկայացրեց, թե ինչպես է դելիբերատիվ ժողովրդավարությունը՝ որոշումների կայացման և հասարակական քննարկումների գործընթացը, հարմարվում ժամանակակից տեղեկատվական ու հաղորդակցային տեխնոլոգիաների զարգացմանը։

Ժամանակակից միջավայրի առանձնահատկությունները, որտեղ գերակշռում են սոցիալական մեդիան, առցանց հարթակները և հաղորդակցային նոր ձևաչափերը, քաղաքացիներին տալիս են ավելի ակտիվ մասնակցության հնարավորություն, սակայն միևնույն ժամանակ առաջացնում են մարտահրավերներ, ինչպիսիք են ապատեղեկատվությունը, բևեռացումը և մանիպուլյացիան։ Այս փոփոխությունների ուսումնասիրությունն անհրաժեշտ է, որպեսզի հասկանանք, թե ինչպես ապահովել ավելի ներառական և որակյալ հանրային քննարկումներ՝ թվային դարաշրջանում։