Մեդիագրագիտության դաս Վայքում

Գործունեություն

13 Մայիսի, 2023

Վայք քաղաքում ևս «Մեդիագրագետ քաղաքացի» թեմայով դասընթացը մեկնարկեց մասնակիցների կողմից իրենց ակնկալիքները հեշթեգերի վերածելով: Բացման խոսքով հանդես եկավ Լիբերալ քաղաքականության ինստիտուտի նախագահ Տաթևիկ Մատինյանը:

Նա մեդիագրագիտության և սննդակարգի միջև այսպիսի համեմամատական տարավ. «Մարդիկ ամեն ինչ չէ, որ ուտում են և հաճախ դիետաներ են մշակում, նմանապես էլ տեղեկությունը՝ ամեն բան չէ, որ պետք է սպառել, հարկավոր է ընտրել և տարբերակել ինչ սպառել»:

Դասընթացը վարում են «Մեդիանախաձեռնությունների կենտրոնի» Media Initiatives Center փորձագետներ Գեղամ Վարդանյանն ու Անի Եղիազարյանը։

Նյութի սկզբնաղբյուրի ստուգում։
Ի՞նչ է ապատեղեկատվությունը, որոնք են դրա ցուցանիշները։
Ինչպե՞ս տարբերել սուտ լուրը:
Փաստերի ստուգման հիմնական գործիքներն ու մեխանիզմները։
Ինտերակտիվ խաղեր:
Քննարկումներ:
Խրախուսական մրցանակներ:

Այս օրակարգով անցավ մայիսի 13-ի Վայքի դասընթացը:

Թվով 37 մասնակիցները Արփիի միջնակարգ դպրոցից էին, Եղեգնաձորի պետական քոլեջից, Ելփինի միջնակարգ դպրոցից, Վայքի ավագ դպրոցից, ՀԱԱՀ քոլեջից, ՎՁՏՊՔից:

Դասընթացը վարեցին «Մեդիա նախաձեռնությունների կենտրոնի» | Media Initiatives Center փորձագետներ Անի Եղիազարյանն ու Գեղամ Վարդանյանը:

Դասընթացի ավարտին մասնակիցներին վկայագրեր և ամենաակտիվ մասնակիցներին խրախուսական մրցանակներ հանձնեց «Լիբերալ քաղաքականության ինստիտուտի» նախագահ Տաթևիկ Մատինյանը:

«Ատելության խոսքի դեմ պայքար` հանուն ժողովրդավարական հասարակությունում բազմակարծության և հանդուրժողականության հաստատման» ծրագրի շրջանակներում իրականացվող սույն դասընթացը ֆինանսավորվում է Հայաստանի Հանրապետությունում Նիդերլանդների Թագավորության դեսպանության կողմից։

Flora Vardanyan